ცხინვალი საქართველოს თავდაცვის მინისტრს, ირაკლი ალასანიას პასუხობს. დეფაქტო საგარეო საქმეთა სამინისტროს განცხადებაში აღნიშნულია, რომ საქრთველო რეალობას გაურბის და გამოგონილ სამყაროში ცხოვრობს.
"არსებობს რეალური და გამოგონილი სამყარო, რომელშიც ქართველი მაღალჩინოსნები ცხოვრობენ. რეალობა ასეთია: სამხრეთ ოსეთი აღიარებული სახელმწიფოა, რომელიც შეიქმნა მის ტერიტორიაზე მცხოვრებლების ნების გამოხატულებით, რომელსაც გააჩნია საზღვრები და სახელმწიფო ხელისუფლების ორგანოები. უნდათ ეს საქართველოში, თუ არა, მოუწევთ ამას ანგარიში გაუწიონ", - ნათქვამია დეფაქტო უწყების განცხადებაში, რომელსაც სააგენტო "რესი" ავრცელებს.
ირაკლი ალასანიას განცხადებით, საქართველოს განუყოფელი ნაწილია აფხაზეთი ისევე, როგორც ცხინვალი. თავდაცვის მინისტრის თქმით, უახლოეს მომავალში საერთაშორისო თანამეგობრობის ზეწოლით საქართველოში დეოკუპაციის პროცესი დაიწყება.
(მოამზადა ნინი მოდრეკილმა)
