საბურთალოზე, ბულაჩაურის ქუჩაზე, წმინდა გიორგის სახელობის ეკლესია გაიხსნა. დღეს, გიორგობის დღესასწაულზე, ტაძარში პირველად აღევლინა წირვა-ლოცვა. საღვთო ლიტურგია ბოდბის ეპარქიის ეპისკოპოსმა, მეუფე იაკობმა და ეკლესიის წინამღვარმა მამა ალექსანდრემ (ბოლქვაძე) აღავლინეს.
აღსანიშნავია, რომ აღნიშნულ ტერიტორიაზე გასულ საუკუნეში აღმართული იყო წმინდა გიორგის სახელობის ტაძარი და სასაფლაო, თუმცა 1937 წელს კომინუსტურმა რეჟიმმა დაანგრია იმ მოტივით, რომ სკოლა აშენებულიყო.
როგორც ეკლესიის წინამღვარმა მამა ალექსანდრემ განგვიცხადა, ახალი ტაძრის მშენებლობა წელიწადსა და 4 თვეს გაგრძელდა და მის აგებაში უდიდესი წვლილი მიუძღვის ბიზნესმენ ირაკლი გურგენიძეს.
ამასთან, ახალ ტაძარში დაბრძანებულია ათონის მთიდან ჩამოსვენებული ივერიის ღვთისმშობლის სასწაულმოქმედი ხატის ასლი.
