მოყვარულ სტუდენტურ თეატრთა ასოციაცია „ასტა" რიგით მესამე საერთაშორისო ფესტივალ „ნიღაბი-2014"-ს გახსნილად აცხადებს.

ფესტივალის მთავარი მიზანია უნივერსიტეტების სტუდენტებს შორის კომუნიკაცია, გამოცდილების გაზიარება და მომავალში პროფესიული და შემოქმედებითი ურთიერთობების ჩამოყალიბება, შემეცნებითი თვალსაწიერის გაფართოება, ხელოვნების პროპაგანდა და სტუდენტური ცხოვრების გამრავალფეროვნება.

დღეიდან, 9 დეკემბრის ჩათვლით, ცხრა სხვადასხვა უნივერსიტეტის დასები თავიანთ წარმოდგენებს შემოგთავაზებენ. სპექტაკლები თბილისის სახელმწიფო სამედიცინო უნივერსიტეტში ყოველდღე 16:00 საათზე დაიწყება. საზეიმო დახურვა კი, 10 დეკემბერს „თი-ბი-სი გალერიში" გაიმართება.

ფესტივალზე დასწრება თავისუფალია.