მოყვარულ სტუდენტურ თეატრთა საერთაშორისო ფესტივალი „ნიღაბი-2014" დასრულდა. დღეს, 10 დეკემბერს, „თი-ბი-სი" გალერეაში" ფესტივალის საზეიმო დახურვა გაიმართა.

კომპეტენტურმა ჟიურიმ მოყვარული დასების სტუდენტები 9 ნომინაციაში გამოავლინა. ჟიურის წევრები იყვნენ: გოგი თოდაძე (რეჟისორი), ნანული სარაჯიშვილი (მსახიობი), კახა მიქიაშვილი (მსახიობი), ნიკა წულუკიძე (თეატრმცოდნე), ია სუხიტაშვილი (მსახიობი), გოჩა კაპანაძე (რეჟისორი) და მერიის წარმომადგენელი.

ფესტივალი „ნიღაბი" საერთაშორისო ხასიათს ატარებს. წელს ქართულ დასებთან ერთად, თურქული, უკრაინული და აზიური დასები მონაწილეობდნენ. ფესტივალი „ნიღაბი" მაყურებელს 2015 წლამდე დაემშვიდობა.