ამერიკაში, ჯორჯიის შტატის ქალაქ მაკონში დასრულდა საერთაშორისო ტურნირი ჩოგბურთში. ფინალში, მეოთხე ნომრად განთესილმა ანა ტატიშვილმა პირველი რეიტინგის მქონე, ხორვატ აილია ტომლიანოვიჩს უმძიმეს ბრძოლაში სძლია 6:2,1:6, 7:5.

       მესამე, გადამწყვეტ სეტში, ხორვატი დაწინაურდა ჯერ4:1 იგებდა, შემდეგ 5:3-ზე თავად აწვდიდა. ამის შემდეგ, ანამ ზედიზედ 4 გეიმი მოიგო და შეხვედრა თავის სასარგებლოდ შემოატრიალა.

      მაკონის ტურნირის მოგებით ანას 50 სარეიტინგო ქულა დაერიცხება და მომავალი კვირიდან ქალთა საჩოგბურთო კლასიფიკაციაში წინსვლა ელის.