ვეტერანების საქმეთა სახელმწიფო სამსახურისა და თბილისის სახელმწიფო სამედიცინო უნივერსიტეტის რექტორატის ორგანიზებით, 1992-93 წლებში საქართველოს ტერიტორიული მთლიანობისათვის წარმოებულ ბრძოლებში დაღუპული სამედიცინო უნივერსიტეტის სტუდენტთა ხსოვნის საღამო ჩატარდა.
შეხვედრა აფხაზეთის ომის ვეტერანის, მწერალ ზურაბ ლეშკაშელის ინიციატივით გაიმართა. მოწვეულმა სტუმრებმა სამედიცინო უნივერისტეტის ეზოში დაღუპული მეომრების მემორიალი ყვავილებით შეამკეს.
დაღუპული გმირები: გიორგი მიროტაძე, ვასილ კილაძე, ნიკოლოზ ღიბრაძე, ილია მელაძე და რევაზ მუმლაძე შეკრებილმა საზოგადოებამ კიდევ ერთხელ გაიხსენა. საღამოზე რექტორმა ზურაბ ვადაჭკორიამ, ვეტერანების საქმეთა სახელმწიფო სამსახურის დირექტორმა ირაკლი შიხიაშვილმა, გია ყარყარაშვილმა, დავით თევზაძემ, ზაირა მიქატაძემ და ზურაბ ლეშკაშელმა მოწვეულ სტუმრებს და დაღუპულების ოჯახის წევრებს სიტყვით მიმართეს.
საღამოს დასასრულს, სამედიცო უნივერსიტეტის წითელ დარბაზში დათო ტურაშვილის „კუნძული შავ ზღვაში" მიხედვით სპექტაკლი დაიდგა, რომელიც თბილისის სახელმწიფო სამედიცინო უნივერსიტეტის თეატრმა „ჰიგიამ" აფხაზეთის ომში დაღუპულ გმირებს მიუძღვნა.
