დღეს „ქართულ-რუსული დიალოგი მშვიდობისა და თანამშრომლობისათვის" ფარგლებში „კავკასიურ სახლში“ მორიგი შეხვედრა გაიხსნა, რომელიც ერთ კვირას გასტანს. ღონისძიებაში კარნეგისა და მოსკოვის სხვადასხვა კვლევითი ინსტიტუტის 10-მდე ექსპერტი იღებეს მონაწილეობას. შეხვედრა ბრიტანეთის საგარეო საქმეთა სამინისტროს და დიდი ბრიტანეთის კონფლიქტების მოწესრიგების ფონდის მიერაა დაფინანსებული. „კავკასიური სახლის“ ხელმძღვანელის გიორგი კანაშვილის განაცხადებით, ქართველი და რუსი ექსპერტები ადგილზე გაეცნობიან სოფელ დიცში არსებულ ვითარებას და შეეცდებიან ხელისუფლებას თავისი რეკომენდაციები მიაწოდონ. ერთი კვირის ფარგლებში ქართველი და რუსი ექსპერტები შეხვდებიან, რეინტეგრაციის საკითხებში სახელმწიფო მინისტრ პაატა ზაქარეიშვილს, პარლამენტარ გია ჟორჟროლიანს, ექსპერტ გია ნოდიას, საგარეო საქმეთა მინისტრის მოადგილეს დავით ჯალაღანიას, ექსპერტებს - ლოურენს შიტსს, სერგი კაპანაძეს, ზურაბ აბაშიძეს, აგრეთვე კავკასიის რესპუბლიკური ინსტიტუტის ხელმძღვანელს ივლიანე ხაინდრავას. შეგახსენებთ, „ქართულ-რუსული დიალოგი მშვიდობისა და თანამშრომლობისთვის“ მეცხრედ ტარდება.
