თბილისში, პეკინის 6ა-ში მდებარე სტომატოლოგიურმა კლინიკა „ES DENT"-მა დაუნის სინდრომით დაავადებული ბავშვებისთვის საქველმოქმედო აქცია გამართა. აქციის ფარგლებში, მთელი დღის განმავლობაში ბავშვებს სტომატოლოგიური გამოკვლევები უფასოდ ჩაუტარდათ და სამომავლო მკურნალობისთვის 50 %-იანი ფასდაკლების ვაუჩერები გადაეცათ. 

როგორც „ES DENT" -ის დირექტორი სოსო გოგინაშვილი აცხადებს, კლინიკა მსგავსი ტიპის ღონისძიებებს ხშირად ატარებს და მიმართულია საზოგადოების გარკვეული წრეების დახმარებისკენ.

დღევანდელი საქველმოქმედო აქციის თანაორგანიზატორები იყვნენ არასამთავრობო ორგანიზაცია „მზის შვილები" და საქველმოქმედო ფონდი „თაობათა ერთობა".