ბოლო ერთი კვირაა დაბა ჩაქვში პირუტყვი გაურკვეველი დაავადებით იხოცება. დაავადებულ ცხოველებს სიკვდილის წინ ერთი და იგივე სიმპტომი ახასიათებს.
„უცებ ატკივდა ფეხი, მენჯში ოდნავ წამოებერა, მერე ეს შესიება თანდათან უფრო გაუდიდდა, გაუმკვრივდა, მაგარი გაუხდა. ფეხს ძირს ვეღარ დგამდა"- აცხადებს ჩაქვის მკვიდრი ნონა აბაშიძე.
პირუტყვის გაკვეთის შემდეგ აღმოჩნდა, რომ დაავადების შედეგად ზიანდება ძროხის რომელიმე კიდური, თუმცა არის შემთხვევები როდესაც ცხოველის მთლიანი სხეული დაჩირქებულია. ადგილობრივები მთლიან ზარალს საღი ხორცის ნაწილის გასაღებას ნახევარ ფასში ამჯობინებენ მაგრამ, რეალიზაციის პროცესში ხორცის ვარგისიანობაზე ნაკლებად ფიქრობენ.
სურსათის ეროვნულ სააგენტოს აჭარის რეგიონულ სამართველოში აცხადებენ, რომ ისინი პირუტყვის ვაქცინაციას მხოლოდ ხუთ დააავადებაზე აკეთებენ. ეს ის დააავადებებია, რომლებიც ცხოველიდან ადამიანზე გადადის. მათივე ინფორმაციიით, დაავადებული ხორცის საკვებად გამოყენება რეკომენდირებული არ არის.
ადგილობრივი მოსახლეობა სიტუაციის შესწავლას და პირუტყვის გადასარჩენად დახმარებას ითხოვს.
