საქართველო- ევროკავშირს შორის ასოცირების შეთანხმების ფარგლებში ევროპის სარკინიგზო კავშირის (CER) წარმომადგენლობამ, აღმასრულებელი დირექტორის ლიბორ ლოხმანის ხელმძღვანელობით, ქართველი კოლეგებისთვის სემინარი გამართა. სემინარი ევროპის სარკინიგზო კავშირის გამოცდილების გაზიარებას ითვალისწინებდა.
სემინარზე განიხილეს ის მნიშვნელოვანი საკითხები, რაც გასათვალისწინებელია საქართველოში სარკინიგზო სფეროში ევროდირექტივებისა და რეგულაციების დანერგვისა და განხორციელებისთვის. საქართველო-ევროკავშირს შორის ასოცირების შეთანხმების მიხედვით, საქართველოს რკინიგზამ უნდა დანერგოს 8 ძირითადი დირექტივა და რეგულაცია.
სემინარი გახსნა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ. მოწვეულ სტუმრებს შორის იმყოფებოდნენ ეკონომიკისა და მდგრადი განვითარების სამინსიტროს, სს „საქართველოს რკინიგზისა" და მისი შვილობილი კომპანიის წარმომადგენლები.
