ენერგეტიკის მინისტრმა და ვიცე-პრემიერმა კახა კალაძემ ჟურნალისტებთან საუბრისას განაცხადა, რომ უახლოეს მომავალში ფეხბურთის ფედერაციის პრეზიდენტს ელოდებიან, რომ წარმოადგინოს გეგმა, თუ რა უნდა გაკეთდეს ქართული ფეხბურთისთვის:
კალაძე ფეხბურთის ფედერაციის პრეზიდენტის არჩევნებთან დაკავშირებით გავრცელებულ ფარულ ჩანაწერსაც გამოეხმაურა, რომელშიც რევაზ არველაძე უეფა-ს ვიცე-პრეზიდენტს გრიგორი სურკისსა და არჩევნების დელეგატებს ესაუბრება. ენერგეტიკის მინისტრის განცხადებით, ამ ჩანაწერში განსაკუთრებული ვერაფერი ნახა:
„ისინი აპელირებდნენ იმით, რომ ითხოვდნენ დაკავებული ადამიანის გამოშვებას და მაშინ მიიღებდნენ მონაწილეობას არჩევნებში. თუმცა ლევან კობიაშვილმა გააკეთა განცხადება, რომ იმ ადამიანის, რომელიც ნარკოტიკების მოხმარებაზე იყო დაკავებული, ჩანაცვლება მომხდარიყო და დაბრუნებოდათ ის ხმა. მოთხოვნა რაც იყო მათი მხრიდან, ფაქტობრივად გაქარწყლებული იყო, ამიტომ ისინი აპელირებდნენ იმაზე, რომ ხმა წაართვეს, რაც აბსოლუტურად სიცრუეა და სიმართლეს არ შეესაბამება.
ნებისმიერ შემთხვევაში ვისაც არ უნდა მოეგო, ჩვენ მზად ვიყავით და მოვისმენდით პრეზიდენტის ხედვას, თუ რა თანხები იყო საჭირო, რა პროექტები უნდა განხორციელდეს იმისთვის, რომ ქართული ფეხბურთი გაძლიერდეს", - განაცხადა კახა კალაძემ.
