სოფელ ზარდიაანთკარის სიახლოვეს დე-ფაქტო ცხინვალის რეჟიმი ახალი საკონტროლო-გამშვები პუნქტის გახსნას გეგმავს. ინფორმაცია ჯერ მხოლოდ დე-ფაქტო რეჟიმის დონეზე ვრცელდება. ე.წ. საკონტროლო-გამშვები პუნქტის გახსნის შესახებ ადგილობრივი მოსახლეობა ინფორმაციას არ ფლობს.
როგორც „სპუტნიკ ოსეტია" იტყობინება, შესაბამისი გადაწყვეტილება ე.წ. მინისტრთა კაბინეტის სხდომაზე, ე.წ. სახელმწიფო უშიშროების კომიტეტის ინიციატივით მიიღეს. ე.წ. საკონტროლო პუნქტი სოფელ ზარდიანთკარის სიახლოვეს მდებარე ე.წ. სასაზღვრო სოფელ ხელჩუაში გაიხსნება.
„სპუტნიკ ოსეტიას" ინფორმაციით, ე.წ. სახელმწიფო უშიშროების სასაზღვრო სამსახურის ხელმძღვანელმა ვალერი ზოზულიამ განაცხადა, რომ სახელმწიფო უშიშროების კომიტეტის თავმჯდომარემ პირადად სთხოვა რუს კოლეგებს ახალი გამშვები პუნქტის გახსნის შესახებ.
