სოფელ წითელუბნის ტერიტორიაზე შეიარაღებულმა პირებმა ორი მწყემსი დააკავეს. ოკუპირებული ტერიტორიის მოსაზღვრედ მდებარე სოფლის მცხოვრებნი კახა ბეღელური და გივი ქისიევი სოფლის პირუტყვს წითელუბნის განაპირას აძოვებდნენ, რა დროსაც შეიარაღებული პირები გამოჩნდნენ.

დაკავებულების ახლობლების მტკიცებით, ბეღელურს და ქისიევს ე.წ. საზღვარი არ გადაუკვეთავთ და მათი დაკავება ქართული მხარის კონტროლირებად ტერიტორიაზე მოხდა.

არსებული ინფორმაციით, დაკავებულები ოკუპირებულ ტერიტორიაზე მდებარე სოფელ წინაგარის მილიციის განყოფილებაში ჰყავთ გადაყვანილი.