ინტენსიური თოვის, ქარბუქისა და დაბალი ხილვადობის გამო, საერთაშორისო მნიშვნელობის თბილისი-სენაკი-ლესელიძის საავტომობილო გზის ზესტაფონი-სენაკის მონაკვეთზე ავტოტრანსპორტის მოძრაობა გართულებულია.

რთული მეტეოროლოგიური პირობების გათვალისწინებით, საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი მოსახლეობას მოუწოდებს, აღნიშნული მიმართულებით მგზავრობისაგან თავი შეიკავონ.

რეკომენდირებულია, გადაუდებელი აუცილებლობის შემთხვევაში, მგზავრებმა ისარგებლონ ზამთრის პერიოდის შესაბამისი ავტოტრანსპორტითა და საბურავებით.