საზოგადოებრივი კომუნიკაციების მართვის სპეციალისტი არჩილ გამზარდია „ჯორჯიან მანგანეზის" მიერ მიღებულ გადაწყვეტილებას აფასებს, რომლის თანახმადაც ჭიათურის მაღაროებში წარმოების პროცესი უნდა შეჩერდეს.
გამზარდია აღნიშნავს, რომ მაღაროების ფუნქციონირების გაუქმება დასაქმებულ 3700 ადამიანზე ძალიან ცუდად აისახება, ამიტომ დროა ხელისუფლებამ და კომპეტენტურმა პირებმა აღნიშნული საკითხი შეისწავლონ.
„კომპანია "ჯორჯიან მანგანეზმა" ჭიათურის მაღაროებში წარმოების პროცესის გაჩერების შესახებ მიიღო გადაწყვეტილება. ეს გადაწყვეტილება მაღაროებში დასაქმებულ 3700 ადამიანზე კატასტროფულად აისახება.
და სად არის სახელმწიფო ამ დროს? ჩვენი პოლიტიკოსები? პოლიტიკური პარტიები? მმართველი ძალა?
ბატონებო, ბევრი თქვენგანი მაღაროში დასაქმებული მუშების მეასედი ფასიც არ ღირს და გაუგონარია თქვენი სიჩუმე ამ დროს.
მოგმართავთ როგორც აღმასრულებელ, ისე საკანონმდებლო ხელისუფლებას და გთხოვთ, დროულად და არსობრივად გამოხატოთ თქვენი პოზიციები და ინიციატივები ამ ადამიანებთან მიმართებაში. სახელმწიფოს სირცხვილია ისედაც ამ ხალხის სამუშაო პირობები და მათი ანაზღაურება, მაგრამ კიდევ უფრო დიდი სირცხვილია, რომ ისიც სანატრელი უხდება ხალხს."- აცხადებს გამზარდია.
