„კასტინგი 2700 ადამიანმა გაიარა. ფილმში, საქართველოს სხვადასხვა კუთხიდან, 250-მდე მსახიობი მონაწილეობს. ჩვენ ვარსკვლავები არა გვყავს, მაგრამ ამ თვალსაზრისით, ქართულ საზოგადოებას ძალიან დიდი აღმოჩენები ელის."- განაცხადა კინორეჟისრომა გოგა ხაინდრავამ გადაცემაში „2030" მრავალსერიანი ფილმის გადაღებებზე საუბრისას, რომელიც „ნაციონალური მოძრაობის" რეჟიმს ამხელს.

„ფილმის გადაღება, რომელსაც ისტორიული წარსული გააჩნია, რთულია, მაგრამ მგონია, რომ ეს რჩეულთა ხვედრია. მადლობელი ვარ ტელეკომპანია GDS-ისა და ყველა იმ ადამიანის, რომელმაც ამ ფილმის გადაღების საშუალება მომცა. ვფიქრობ, ფილმის ნახვას მაყურებელი გაზაფხულის ბოლოსთვის შეძლებს. უნდა გადავიღოთ 24 სერია, მაგრამ არ ვიცი, ფილმის სრულყოფილად დამთავრებას რამდენად მოვასწრებთ. ფილმში ნაციონალური მოძრაობის მიერ ჩადენილი დანაშაულებების სასამართლო პროცესი მიდის. არც ერთი კადრი ჩემი მოგონილი არ არის. ის 1200, არაადამიანური მოპყრობის მსხვერპლთან ინტერვიუს დაეფუძნა. თითოეულ ფაქტს, საფუძვლად 3 სხვადასხვა წყარო უდევს." - განაცხადა  გოგა ხაინდრავამ.