თბილისის ყოფილი მერი, „ნაციონალური მოძრაობის" წევრი გიგი უგულავა მეუღლეს, ლელა კილაძეს შორდება.
ამის შესახებ ინფრმაცია გიგი უგულავას „ფეისბუქის" ოფიციალურ გვერდზე გამოქვეყნდა:
„მე არ მჩვევია და არც მიყვარს პირად ცხოვრებაზე საჯაროდ საუბარი. ამჯერად გამონაკლისს დავუშვებ, იმისთვის, რომ თავიდან ავიცილოთ ბულვარული და ყვითელი მითქმა- მოთქმა.
მოკლედ, მე და ლელამ 6 წლიანი ერთად ცხოვრების შემდეგ, გაშორება გადავწყვიტეთ. ეს გადაწყვეტილება დიდი ხანი მწიფდებოდა და ურთიერთშეთახმებით მივიღეთ.
ასე რომ, ნურც მე და ნურც მას ნუ დაგვძრახავთ, ჩვენო საერთო მეგობრებო! ჩვენ, ჩვენი ბავშვების გარდა, საერთო შვილი ალექსანდრე გვყავს, რომელზე ზრუნვა გაგვაერთიანებს."- აღნიშნულია გავრცელებულ განცხადებაში.
გიგი უგულავა პატიმრობაში იმყოფება. მას „ტელეიმედის" საქმეზე თბილისის საქალაქო სასამართლოს 2015 წლის 15 მარტის განჩინებით აღკვეთის ღონიძიების სახით პატიმრობა შეეფარდა.
