იუსტიციის სამინისტრო პრემიერ-მინისტრთან შეთანხმებით, კერძო მესაკუთრეებისთვის მიწის რეგისტრაციასთან დაკავშირებით წამახალისებელი ნორმების შემოღებას გეგმავს.
იუსტიციის მინისტრმა თეა წულუკიანმა მთავრობის ადმინისტრაციაში გამართულ პრესკონფერენციაზე განაცხადა, რომ მიწის რეგისტრაციის თემა მთავრობის ერთ-ერთი პრიორიტეტია.
„იუსტიციის სამინისტრო პრემიერ-მინისტრთან შეთანხმებით გეგმავს, რომ სულ მალე წარმოადგინოს წამახალისებელი ნორმები ყველა კერძო მესაკუთრისთვის, რომელსაც შეიძლება საბუთები არ ჰქონდეს წესრიგში და რომელიც შეიძლება ჩვენთან, ყოფილი ტექბიუროს არქივებში, ან სხვაგან ინახებოდეს. ჩვენ გვინდა დავეხმაროთ ყველა კერძო მესაკუთრეს შეადგინოს თავისი დოსიე და მარტივად დაირეგისტრიროს საკუთრება.
რაც მეტ მიწას დაირეგისტრირებენ მესაკუთრეები და რაც მალე გააკეთებენ ამას, ეს სახელმწიფოსთვის მეტად მნიშვნელოვანი იქნება. ძალიან მნიშვნელოვანია მესაკუთრეებს დავეხმაროთ, რომ საბუთები მოიძიონ, რადგან, როგორც იცით, მიწის რეფორმა საქართველოში 90-იანი წლებიდან ძალიან რთულად ჩატარდა", - განაცხადა თეა წულუკიანმა.
