ეკონომიკის მინისტრმა დიმიტრი ქუმსიშვილმა ჟურნალისტებს მთავრობის სხდომის დასრულების შემდეგ განუცხადა, რომ ამერიკის შეერთებულ შტატებთან სავაჭრო ურთიერთობები ჩვენი ქვეყნისთვის პრინციპულად მნიშვნელოვანია.

მინისტრის განმარტებით, არსებობს რამოდენიმე პლატფორმა და ამ რამოდენიმე პლატფორმის მიმართულებით მუშაობს ქართული მხარე.

„ჩვენ დღეს ევროპასთან გვაქვს თავისუფალი ვაჭრობის ხელშეკრულება და გამომდინარე იქედან, რომ ევროპასა და ამერიკას შორის მიმდინარეობს ამ წუთში ძალიან აქტიური მოლაპარაკებები, მათ შორის ჩვენ განვიხილავთ იმის შესაძლებლობებს, რომ შევუერთდეთ ევროპის მოლაპარაკებებს. შესაბამისად, თუ ასეთი შესაძლებლობა მოგვეცა, ჩვენ როგორც ერთი დიდი ოჯახის წევრი ისე შევალთ ამ მოლაპარაკებებში და დავასრულებთ ამას", - განაცხადა დიმიტრი ქუმსიშვილმა.