რაგბის კავშირის პრეზიდენტობის კანდიდატი გოჩა სვანიძე აცხადებს, რო საპრეზიდენტო არჩევნებში მისი კანდიდატურის გამარჯვების შემთხვევაში ქართულ რაგბზე მუშაობა და პროექტების განხორციელება  წარმოდგენილი  პროგრამის მიხედვით მოხდება და ის ამაზე პასუხისმგებლობას სრულიად იღებს.

„ჩემს პროგრამაზე, რომელიც უკვე გამოქვეყნებულია, პასუხისმგებლობას ვიღებ. გამარჯვების შემთხვევაში, შეგიძლიათ, პასუხი ამ პროგრამის მიხედვით მომთხოვოთ. რაგბი ოჯახი აღარ არის. ოჯახი ჩემ დროს იყო, როცა ტრიბუნების გარეშე ვიბრძოდით. არჩევნებზე დანებებას არ ვაპირებ. ესაა კონცეპტუალური ხედვა, რომელსაც მე მხოლოდ ვახმოვანებ. აქ არის კლუბები და პრეზიდენტი ვინ გახდება, ამას ყრილობა გადაწყვეტს.

საპრეზიდენტო კანდიდატად 19-მა კლუბმა წარმადგინა. ბატონი ილიას მიმართ პატივისცემას ხაზგასმით ვაფიქსირებ. რაგბის სამყაროში დაპირისპირება არ არის. რიგი გადაწყვეტილებების შედეგად, სიმშვიდე მიღწეულია და პრობლემა არ არსებობს. სხვადასხვა კანდიდატების მხარდაჭერა დაპირისპირებას არ ნიშნავს." - განაცხადა გოჩა სვანიძემ გადაცემაში „2030."

რაგბის კავშირის საპრეზიდენტო არჩევნები 24 იანვარს სასტუმრო ქორთიარდ მერიოტში გაიმართება.

ამ ეტაპზე წარდგენილია ორი კანდიდატი: გოჩა სვანიძე და ილია ზედგინიძე.