სამცხე-ჯავახეთის სამხარეო ადმინისტრაციის ცნობით, ბორჯომში, დღეს, განბანვის რიტუალში მონაწილეობის მისაღებად მრევლისათვის უფასო ტრანსპორტი იმოძრავებს.

მათივე ინფორმაციით, დღეს, 20:30 საათზე, ავტობუსები ყვიბისიდან, არდაგნიდან, ახალი უბნიდან და ლიკანიდან გავლენ. განბანვა კი 21:00 საათზე ბორჯომის ცენტრალური სტადიონის მიმდებარედ მტკვრის სანაპიროზე დაიწყება.

ტრანსპორტი მორწმუნეებს რიტუალის დასრულებამდე მოემსახურება.

ინიციატივა ბორჯომის მუნიციპალიტეტსა და „ბორჯომის საზოგადოებრივ ტრანსპორტს" ეკუთვნის.

ბორჯომის მუნიციპალიტეტში ნათლისღების დღესასწაულთან დაკავშირებით, მტკვარში განბანვა ბორჯომისა და ბაკურიანის მიტროპოლიტ სერაფიმეს კურთხევით ყოველწლიურად იმართება.