„საქართველოს ბიზნესასოციაციის" აღმასრულებელმა დირექტორმა ირაკლი ასლანიშვილმა ჟურნალისტებს განუცხადა, რომ პრემიერ-მინისტრის რანგში გიორგი კვირიკაშვილთან ბიზნესასოციაციების ხელმძღვანელების პირველი შეხვედრა ძალიან საინტერესო იყო.
„მნიშვნელოვანი ინიციატივები გააჟღერა დღეს პრემერმა, მათ შორის, საგადასახადო დეკრიმინალიზაციის საკითხზე, მოგების გადასახადის რეფორმასთან დაკავშირებით. შევეხეთ ინვესტიციების თემას, განათლების ხელშეწყობის მნიშვნელობას. პრემიერი დაგვპირდა, რომ ყოველ ეტაპზე ბიზნესთან ექნება აქტიური კომუნიკაცია, რაც მისასალმებელია. გაჟღერებული რეფორმები და ინიციატივები, ჩვენგან სრულ მხარდაჭერას იმსახურებს. ვფიქრობთ, რომ კომუნიკაციის თვისობრივად ახალი ხარისხი ეკონომიკური ზრდის კუთხით გაცილებით მაღალი შედეგის მომტანი იქნება", - განაცხადა ირაკლი ასლანიშვილმა.
