უკრაინაში საქართველოს ელჩის მიხეილ უკლებას ინფორმაციით, საქართველოს პრეზიდენტმა გიორგი მარგველაშვილმა უკრაინის ხელისუფლებაში მყოფ საქართველოს მოქალეებს შესაძლოა მოქალაქეობა ჩამოართვას. განცხადება უკლებამ უკრაინულ მედიასთან საუბრისას გააკეთა.
უკლება ამბობს, რომ კონსტიტუციაში მკაცრადაა გაწერილი, რომ საქართველოს მოქალაქე არ შეიძლება იყოს სხვა ქვეყნის მოქალაქე.
თუკი პრეზიდენტმა ეს გადაწყვეტილება მიიღო, ქვეყნის მოქალაქეობა ჩამოერთმევა უკრაინის მთავარი პროკურორის მოადგილეს დავით საყვარელიძეს, უკრაინის ჯანდაცვის მინისტრს ალექსანდრე კვიტაშვილს, იუსტიციის მინისტრის მოადგილეს ჯაბა ებანოძეს, უკრაინის ნაციონალური პოლიციის ხელმძღვანელს ხატია დეკანოიძეს, შს მინისტრის მრჩეველს ეკა ზღულაძეს, ნაციონალური პოლიციის უსაფრთხოების სამსახურის უფროსს გიორგი გრიგალაშვილს და ოდესის პოლიციის უფროსს გია ლორთქიფანიძეს.
