საქართველოს ადვოკატთა ასოციაციის" თავმჯდომარე ზაზა ხატიაშვილი იური ვაზაგაშვილს იხსენებს და განცხადებაში, რომელიც სოციალურ ქსელში გაავრცელა, აღნიშნავს, რომ მკვლელობის შემკვეთი, სამწუხაროდ დღესაც არ არის გამოვლენილი.
„ზუსტად ერთი წლის წინ საკუთარი შვილის საფლავზე ვერაგულად მოკლეს სამოქალაქო საზოგადოების ერთ-ერთი ყველაზე აქტუალური სახე, საზოგადო მოღვაწე, ბატონი იური ვაზაგაშვილი.
ჩემთვის ბატონი იური იყო მამობის ეტალონი და სიკეთის მსახური, იგი ეხმარებოდა ძალიან ბევრ ადამიანს, რაც მას უდიდეს ბედნიერებას ანიჭებადა. ბატონი იური იბრძოდა ჩვენი შვილების მომავლისთვის, წლების მანძილზე ითხოვდა მის შვილის მკვლელების დაკვებას, მაგრამ სწორედ ამ ბრძოლას შეეწირა იგი.
ერთი წელი გავიდა მისი ვანდალური მკვლელობის შემდეგ მაგრამ მკვლელობის შემკვეთი დღესაც დაუდგენელია. ბატონი იური ვაზაგშვილის ბრძოლამ ძალიან ბევრი ახალგაზრდის სიცოცხლე გადაარჩინა. სააკაშვილის რეჟიმი იური ვაზაგაშვილის, ირინა ენუქიძის, ჯამბულ გამცემლიძის, ია მეტრეველის, სოსო რობაქიძის და მათნაირების ბრძოლამ დაამარცხა. დღვანდელმა ხელისუფლებამ კი ის სამართალდამცავები და მოსამართლეები დააწინაურა ვისთანაც ჰქონდათ პრეტენზიები შვილმკვდარ მშობლებს. მოქმედი ხელისუფლების ბოლო აკორდი იყო ლევან მურუსიძის მოსამართლედ დანიშვნა.
მოვა დრო, როდესაც იური ვაზაგაშვილის მოღვაწეობას უფრო დავაფასებთ და მას საკადრის პატივს მივაგებთ..."- წერს ხატიაშვილი.
