დღეს, კორპორაცია Microsoft-ის საძიებო სისტემა Bing-ის მთავარ გვერდზე შესვლისას, ნებისმიერ მომხმარებელს მთელი მსოფლიოდან, ფონად დახვდება დავითგარეჯის სამონასტრო კომპლექსის ფოტო წარწერით - David Gareja Monastery Complex, Kakheti, Georgia.

სურათის ავტორია ვიქტორ ბუბნიაკი.

Bing-ის მთავარი გვერდის ფონური ფოტო ყოველდღიურად იცვლება და მასზე წარმოდგენილია მსოფლიოს საუკეთესო ფოტოგრაფების საუკეთესო ნამუშევრები.

Microsoft-მა Bing 2009 წელს გაუშვა და იგი დღეისათვის მსოფლიოში მეორე ყველაზე პოპულარული საძიებო სისტემაა Google-ის შემდეგ. განსაკუთრებული პოპულარობით ის აშშ-ში სარგებლობს.

წყარო: 1tv.ge