ჟურნალისტი ირაკლი შონია ბიზნესმენ ბესიკ ხარძიანის მკვლელობის გახსნას ეხმაურება და აღნიშნავს, რომ ხშირ შემთხვევაში ე.წ. ქილერები საზოგადოებისგან არაფრით გამოირჩევიან.
„დღეს ვუყურებდი ხარძიანის მკვლელობასთან დაკავშირებით, პროკურატურის მიერ გავრცელებულ ვიდეო კადრებს... ფირზე ჩანს ორი ახალგაზრდა მამაკაცი, რომელიც არაფრით გამოირჩევა ქუჩაში მოსიარულე საზოგადოებისგან, ერთმანეთთან მეგობრულად საუბრობენ და იღიმებიან კიდეც... ერთგვარი უწყინარი ადამიანების შდაბეჭდილებას ტოვებენ და ვინ წარმოიდგენს, რომ პროფესიონალი ქილერები არიან და საქართველოში იმისთვის ჩამოვიდნენ, რომ გარკვეული ანაზღაურების ფასად ადამიანს სასიკვდილო განაჩენი უნდა გამოუტანონ და მოკლან. ასეც მოიქცნენ... ამით რა მინდა აღვნიშნო, რომ ზოგჯერ, რომ არც ფიქრობ და ეჭვიც არ გაგაჩნიათ ისეთი ადამიანია მკვლელი და ქილერი... ასე იქნება სხვა გახმაურებული მკვლელობების შემთხვევაშიც..."- წერს შონია სოციალურ ქსელში.
