კულტურისა და ძეგლთა დაცვის მინისტრი მიხეილ გიორგაძე ზაქარია ფალიაშვილის სახელობის ოპერისა და ბალეტის თეატრის საზეიმო გახსნაზე მოსაწვევებით დასწრებასთან დაკავშირებით გამოწვეულ უკმაყოფილებასთან დაკავშირებით კომენტარს აკეთებს. გიორგაძე ამბობს, რომ აჟიოტაჟი ხელოვნურად შექმნილია, რადგან ღონისძიებაზე მოსაწვევებით ადამიანების დაპატიჟება მთელ მსოფლიოში მიღებული პრაქტიკაა.
„მე კარგად ვიცი, რომ მედიის კრიტიკა სახიფათო საქმეა. ამას არ ვაპირებ, თუმცა, ძვირფასო მეგობრებო, ნამდვილად ჩემს გაკვირვებას ვერ დავმალავ იმასთან დაკავშირებით, რომ აჟიოტაჟი ამ საკითხთან დაკავშირებით, ვფიქრობ, ცოტა ხელოვნურად იყო შექმნილი. ის, რომ გარკვეულ ღონისძიებებზე მოსაწვევებით პატიჟებენ ადამიანებს, ეს მსოფლიოში მიღებული პრაქტიკაა.
სწორედ იმიტომ, რომ ეს ინტერესი მოსალოდნელი იყო საზოგადოებაში, რამდენიმე საპრემიერო დღეა როგორც ოპერის, ისე ბალეტის ნაწილში", - განაცხადა მიხეილ გიორგაძემ.
ოპერის თეატრი 30 იანვარს სპექტაკლით „აბესალომ და ეთერი" გაიხსნება.
