აზერბაიჯანის ნავთობის კვლევითი ცენტრის ხელმძღვანელმა ილჰამ შაბანმა აზერბაიჯანულ გამოცემა „ჰაქინ"-თან საუბარისას განაცხადა, რომ საქართველო აზერბაიჯანული გაზის რუსულით ჩანაცვლებას ვერასდროს შეძლებს.

„გაზის 87%-ზე მეტს საქართველო აზერბაიჯანიდან იღებს. რასაკვირველია, საქართველოს ახლა ჩვენი გაზის მოცულობის შემცირება არ აწყობს, რადგან მას ქართველებისთვის მისაღებ ფასებში ვაწვდით. ქართულ მხარეს აზერბაიჯანული გაზის საფასური რომ არ აწყობდეს, მისი რუსული გაზით ჩანაცვლებას დიდი ხნის წინ შეეცდებოდა.

საქართველო გარდაბანში თბოელექტროსადგურს აშენებს და გაზის დამატებითი მოცულობა სჭირდება. ჩვენ კი ასეთი მოცულობა ჯერ არ გვაქვს. არ არის გამორიცხული, რომ თბილისს გაზი სწორედ სადგურის მუშაობისთვის სჭირდება", - განაცხადა ილჰამ შაბანმა.