ვეტარანთა საკოორდინაციო საბჭოს წევრების განცხადებით, სახელმწიფოს დაფინანსებით, ვეტერანთა ახალი ჰოსპიტალი აშენდება. პორტალ „კვირას" პრესკლუბში გამართულ პრესკონფერენციაზე, 18 ვეტერანთა არასამთავრობო ორგანიზაციის გაერთიანების წევრი თემურ ბაძაგუა ამბობს, რომ სახელმწიფო სამსახური გვერდით დაუდგა ვეტერანებს და აღდგა ვეტერანის ღირსება.
„ჩვენი სახელით კეთდებოდა განცხადებები, რასაც ჩვენ არ ვიზიარებთ. გავეცანით ვეტარანთა სახელმწიფო სამსახურის მუშაობას. გაკეთდა ის, რომ აღდგა ვეტერანის ღირსება, ყველა ვეტერანისათვის და მათი ოჯახის წევრებისათვის. გავეცანით, რამდენ ათას ვეტერანს გაეწია სხვადასხვა სახის დახმარება, იქნება ეს ჰოსპიტალიზაციის, პრეპარატებით თუ სხვა სახით. სახელმწიფო სამსახური გვერდით დაუდგა ვეტერანებს. ჩვენ გვერდით ვუდგავართ ვეტერანთა სამსახურს და ბატონ ირაკლი შიხიაშვილს", - განაცხადა ბაძაღუამ.
