20/30-ის წევრი, მიხეილ დონდუა, ქვეყანაში არსებულ ეკონომიკურ  ვითარებას საგარეო ფაქტორებს უკავშირებს და ასევე ეროვნული ბანკის არასწორ საქმიანობაზე საუბრობს.

ამის შესახებ მან გადაცემა „არჩევანში" ისაუბრა.

მიხეილ დონდუას განცხადებით, „მდგომარეობა უფრო ძალიან მძიმეზე მძიმეა, ვიდრე ძალიან მძიმე". ამაში კი დონდუა გიორგი ქადაგიძეს აკრიტიკებს და მას სავალუტო ფონდის რეკომენდაციების გაუთვალისწინებლობაში სდებს ბრალს.

„ყოველთვიურად უძრავი ქონებით არაუზრუნველყოფილი სამომხმარებლო სესხის მაჩვენებელი ნახევარ მილიარდ ლარს აჭარბებს და ეს ყველაფერი დოლარის შეზღუდვას ემსახურება. თუ სავალუტო ფონდის რეკომენდაციას გაითვალისწინებდა ეროვნული ბანკი და შეზღუდავდა ამ სესხს, ერთ მილიარდ დოლარს დავზოგავდით," - აცხადებს მიხეილ დონდუა.