მთავრობის დღევანდელი სხდომის დასრულების შემდეგ ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა კომენტარი ლარის კურსთან დაკავშირებით გააკეთა. ქუმსიშვილი ამბობს, რომ კურსთან დაკავშირებით აშკარად დადებითი ტენდენცია შეინიშნება. მინისტრი განმარტავს, რომ დოლართან მიმართებაში ლარის კურსი 2.46 ნიშნულზეა ჩამოსული.

„აშკარად დადებითი ტენდენცია გვაქვს. შემიძლია დაგიდასტუროთ, რომ პირადად მე ყოველდღიურ კონტაქტზე ვარ როგორც ეროვნული ბანკთან, ასევე ფინანსთა სამინისტროსთან - პრინციპულად მნიშვნელოვანია, რომ ყველა შტოს, ვინც ამ პროცესში მეტად თუ ნაკლებად ვმონაწილეობთ, გვქონდეს სინქრონიზებული ქმედებები", - განაცხადა ქუმსიშვილმა.