ჟურნალისტი ირაკლი შონია 1989 წლის 9 აპრილის მონაწილის, უსინათლო მომღერალი ქალის, ლელა ვეფხვაძის შესახებ წერს, რომელიც 9 აპრილის სიმბოლოდ იქცა.
შონია ვეფხვაძის გაჭირვების შესახებ საუბრობს და ხელისუფლებას მოუწოდებს, რომ უსნათლო მომღერალს დახმარება აღმოუჩინონ.
„ისინი ოთხნი იყვნენ: უსინათლო მომღერლები- ზაირა გელაშვილი, თინა ბირკაძე, დონარა ცხადიაშვილი და ლელა ვეფხვაძე...
საქართველოში დატრიალებული უბედურება და სოციალური გაჭირვება მათზეც აისახა... ისინი სამუდამოდ დარჩნენ 9 აპრილის ეპოქალურ მოვლენასთან... სამი მათგანი უპრეტენზიოდ და უჩუმრად წავიდნენ ამ ქვეყნიდან... ლელა ვეფხვაძე კი დარჩა, თითქოს უკანასკნელ მოჰიკანად იმ ქარიშხლიანი, დიდი ეპოქის... ამ დღეებში შევხვდით ერთმანეთს, დაღლილი იყო, მას გადაუჭრელ პრობლემად აქვს ქცეული ნაქირავებ ბინაში ცხოვრება, ნერვიულობდა ამ თვის ფული ვერ შევაგროვე და სახლის დაცლა რომ მომიწიოს, სად წავიდეო... რა გახდა ხელისუფლებისთვის, თუნდაც ერთ ოთახიანი ბინა შეეძინათ ამ ქალბატონისთვის, რომელსაც განსაკუთრებული მოფრთხილება და მზრუნველობა სჭირდება!!!
მინდა დიდ ხანს სიცოცხლე, გამძლეობა და კარგად ყოფნა ვუსურვო ლელას! ადამიანი რომელიც ძალიან მიყვარს და ვაფასებ!!!"- აღნიშნავს შონია.
