საქართველოს დემოგრაფიული საზოგადოება XXI-ის დირექტორის ზვიად ტომარაძის განცხადებით მან კანონპროექტი, რომლის მიხედვითაც კონსტიტუციაში ქორწინების შესახებ ცვლილება უნდა შესულიყო, ჯერ კიდევ გასულ წელს მოამზადა, თუმცა საკანონმდებლო ორგანომ კანონპროექტი არ განიხილა.
„მეგობრებო! მაღალსაზოგადოებრივი ინტერესების გათვალისწინებით ვალდებული ვარ განვაცხადო შემდეგი:
2015 წლის ნოემბერში ჩემს მიერ შემუშავებულ იქნა კანონპროექტი (საკონსტიტუციო ცვლილება) რის მიხედვითაც კონსტიტუციაში უნდა განმარტებულიყო, რომ ქორწინება წარმოადგენს კავშირს მამაკაცსა და ქალს შორის. კანონპროექტი შევიმუშავე ხორვატიისა და ლატვიის გამოცდილების გათვალისწინებით. კანონპროექტი დეკემბერში პარლამენტში უნდა განხილულიყო, თუმცა სხვადასხვა მიზეზთა გამო ეს საკითხი ადგილიდან არ დაძრულა. მიზეზებზე საუბრისაგან ამ ეტაპზე თავს შევიკავებ, თუმცა ავღნიშნავ, რომ კონსულტაციები დღემდე მიმდინარეობს. იმედს ვიტოვებ უახლოეს მომავალში აღნიშნული ინიციატივა რეალიზებული იქნება საქართველოს პარლამენტის მიერ. (კონსტიტუციური ცვლილება, კანონის მიხედვით შეგიძლიათ იხილოთ სურათზე)
ზვიად ტომარაძე"
