საკადრო ცვლილებები თბილისის მერიაში - მერიის ადმინისტრაციის უფროსმა პაატა ჯაჭვლიანმა თანამდებობა დატოვა. თბილისის მერიაში გამართულ ბრიფინგზე მერის მოადგილემ ირაკლი ლექვინაძემ ჟურნალისტებთან საუბრისას განაცხადა, რომ საკადრო ცვლილებები მერიაში ჩვეულებრივი პროცესია, რომლის მიზანი არსებულ გამოწვევებზე ეფექტური რეაგირებაა. მისი თქმით, საკადრო გადაადგილებები მერიაში ახლაც მიმდინარეობს.

მერიაში პაატა ჯაჭვლიანის მიერ თანამდებობის დატოვების მიზეზს არ აკონკრეტებენ და აცხადებენ, რომ იგი მერიის სხვა სტრუქტურაში გააგრძელებს მუშაობას.

"ეს ერთ-ერთი რიგითი გადაადგილება. პაატა ჯაჭვლიანი მერიაში სხვა მიმართულებით გააგრძელებს მუშაობას", - განაცხადა ლექვინაძემ.