„რატომ არ მოხდა მწვანე ნარგავებით ქალაქის განაშენიანება და რატომ არ დაირგო მილიონი ხე", - ამ შეკითხვებს თბილისის მერის მოადგილე ირაკლი ლექვინაძე ტელეკომპანია „იბერიას" ეთერში პასუხობს:

„მთავარი არის, თბილისში თითოეულმა მცხოვრებმა გაითავისოს თავისი წილი პასუხისმგებლობა და მხოლოდ ვიღაცაზე არ იყოს დამოკიდებული. რა თქმა უნდა, ბევრი რამის ინიცირება შეიძლება მოდიოდეს ჩვენგან, თუმცა თითოეული ჩვენგანის პასუხისმგებლობა იწყება იქიდან, როცა მანქანიდან სიგარეტის ნამწვავს არ ვისვრით, როცა მიწისქვეშა გადასასვლელს არ დავანაგვიანებთ, როცა პარკში ვანდალურ ქმედებას არ ჩავიდენთ და ა.შ.

რაც შეეხება გამწვანებას, ამ დროისათვის დაახლოებით 420 000 ხე არის დარგული თბილისის სხვადასხვა უბანში. ეს პროცესი გაზაფხულ-შემოდგომაზე ხორციელდება. ქალაქის ცენტრში ათასობით ხის დარგვა ადგილის სიმწირებიდან გამომდინარე რთულია. ძირითადად თბილისის ზღვის, დენდროპარკის მიმდებარე ტერიტორიაზე ირგვება. ამასთანავე, დარგული ხეების ასპროცენტიანი გახარებაც არ არსებობს..." - განაცხადა ლექვინაძემ.