საოპერო მომღერალი ზურაბ სოტკილავა პოლიტიკაში პაატა ბურჭულაძის გამოჩენას ეხმაურება და აცხადებს რომ, მისთვის გაუგებარია ბურჭულაძის გადაწყვეტილება. მისი თქმით აჯობებს ბურჭულაძემ საქმიანობა ისევ ოპერაში გააგრძელოს და თავი დაანებოს ბინძურ პოლიტიკაში მოსვლას.
„მე ვერაფერს ვერ ვურჩევ, ყველა ადამიანი თვითონ აკეთებს არჩევანს. არ მჩვევია ვინმეს დარიგება. ეგ არის ძალიან მწყდება გული თავს რომ ანებებს სიმღერას. პაატა მსოფლიო დონის მომღერალია. მისი ასაკის ბანისთვის ძალიან ახალგაზრდაა და მიმაჩნია რომ, ხალხი კიდევ ძალიან ბევრჯერ უნდა გაახაროს მისი ლამაზი ხმით. მგონია ეს სჯობს პოლიტიკას, რომელიც ბინძური საქმეა და ვერ მიმხვდარვარ რატომ მოუნდა პოლიტიკაში ჩარევა. თუმცა კიდევ ვიმეორებ: ეს მისი ნებაა. მე კი ძალიან მინდა სცენას კიდევ ამშვენებდეს."- განაცხადა სოტკილავამ.
წყარო: marshalpress
