მხატვარი ნიკუშა შენგელაია მიიჩნევს, რომ საქართველო ტოლერანტული ქვეყანაა და ქვეყანაში რელიგიური ნიშნით ადამიანები არ იდევნებიან. ამის შესახებ შენგელაიამ „რეზონანსთან" საუბარში განაცხადა და აქვე დასძინა, რომ რელიგიური გრძნობების შეურაცხყოფის შესახებ კანონპროექტის მიღების აუცილებლობას ვერ ხედავს.

„ძალიან ტოლერანტულია საქართველო. ამდენი კონფესიის ტაძარი არც ერთ ქვეყანაში არ დგას. ვერ ვხედავ ჩვენთან რელიგიური გრძნობების შეურაცხყოფას. შესაბამისად, ამ კანონის მიღების აუცილებლობას ვერ ვხედავ", - აცხადებს შენგელაია.

(მოამზადა ნენე სტეფანიშვილმა)

წყარო:   „რეზონანსი"