მსოფლიოში მოქმედმა 34 შეიარაღებულმა დაჯგუფებამ "ისლამური სახელმწიფოს" ერთგულების ფიცი დადო. ამის შესახებ ნათქვამია გაეროს გენერალური მდივნის ბან კი მუნის ანგარიშში. დოკუმენტში არსებული მონაცემები 2015 წლის დემებრამდე პერიოდს ასახავს. გაეროს ანგარიშში აღნიშნულია, რომ 2016 წელს "ისლამური სახელმწიფოს" მომხრე დაჯგუფებების რიცხვის ზრდაა მოსალოდნელი. ბან კი მუნის განცხადებით, ტერორისტული ორგანიზაცია "ისლამური სახელმწიფო წარმოადგენს "უპრეცედენტო საფრთხეს, რადგან მან მოიპოვა ფილიპინებში, უზბეკეთში, ლიბიასა და ნიგერიაში მოქმედი მებრძოლების მხარდაჭერა. "აფრიკის დასავლეთით და ჩრდილოეთით, ახლო აღმოსავლეთში, ასევე აზიის სამხრეთ და სამხრეთ-აღმოსავლეთ ნაწილში "ისლამური სახელმწიფოს" გავლენის სფეროების ზრდა აჩვენებს ბოლო 18 თვის განმავლობაში საფრთხის ზრდის სიჩქარესა და მასშტაბებს", - აღნიშნა გაეროს გენერალურმა მდივანმა. ბან კი მუნმა გაეროს წევრებს "ისლამური სახელმწიფოს" მხრიდან მოსალოდნელი თავდასხმებისთვის მზადყოფნისკენ მოუწოდა.
წყარო: „2030.news"
