ტელეკომპანია „მაესტროს"დირექტორმა ბაია გადაბაძემ ირაკლი რუხაძის მიერ კოტე გოგელიასა და მაკა ასათიანისთვის მიწერილი დოკუმეტი გაასაჯაროვა. განცხადება გადაბაძემ დღეს გამართულ ბრიფინგზე გააკეთა.

დოკუმენტის თანახმად, ირაკლი რუხაძე  მაკა ასათიანს გარიგებას სთავაზობდა, რის სანაცვლოდაც იხდიდა 7,5 მლნ დოლარს.

ბაია გადაბაძის განცხადებით, ამ დოკუმეტიდან ნათლად ჩანს, რომ რუხაძე ტელეკომპანიის შინაარსით იყო დაინტერესებული.

„მას აქვს ჩამოთვლილი პუნქტები, თუ რა აინტერესებს „მაესტროში" - „მაესტროზე", როგორც ბრენდზე უფლება, „მაესტროს" ლიცენზიები და სიხშირეები, შეძენილი ტელენაწარმის  ქონთენთი, ანუ შინაარსი, საავტორო უფლებები „მაესტროს" მიერ ნაწარმოებ ტელეპროდუქციაზე. ეს შემოთავაზება გრძელდებოდა სისტემატურად, წინა კვირის ჩათვლით, მაგრამ მაკა ასათიანმა არ დათმო წილი, თუმცა ირაკლი რუხაძემ ის 25%-იანი წილი გამოიყენა, რომელიც ჰქონდა გია გაჩეჩილაძეს", - განაცხადა გადაბაძემ.

მოამზადა სალომე ჯანდიერმა