ფინანსთა მინისტრი ნოდარ ხადური მთავრობის სხდომის დასრულების შემდეგ, „ეკონომიკური განვითარების ცენტრის" თავმჯდომარის რომან გოცირიძის მიერ გავრცელებულ ინფორმაციას გამოეხმაურა. მინისტრის თქმით, ინფორმაცია არ აქვს „გაზპრომის" მიერ ერთ-ერთი ქართული ბანკის შესაძლო შესყიდვის შესახებ.

„არ მაქვს ეს ინფორმაცია. ეტყობა, ბატონ რომან გოცირიძეს პირდაპირი კავშირი აქვს „გაზპრომთან", - განაცხადა ნოდარ ხადურმა.

ეროვნული ბანკის ყოფილი პრეზიდენტის, „ეკონომიკური განვითარების ცენტრის" თავმჯდომარის რომან გოცირიძის ინფორმაციით, რუსული კომპანია „გაზპრომი" საქართველოში ერთ-ერთი პატარა ბანკის შესყიდვას გეგმავს.