უნდა ჩაიწეროს თუ არა კონსტიტუციაში, რომ ქორწინება არის ქალისა და მამაკაცის ერთობა? „რეპორტიორმა" ამ შეკითხვით საქართველოს სახალხო არტისტს იმედა კახიანს მიმართა. მსახიობისთვის კაცის და კაცის ერთობის ოჯახად ჩათვლა მიუღებელია:

„ოჯახი ქალისა და მამაკაცის ერთობაა, სხვანაირად როგორ შეიძლება. მე ასე ვცხოვრობ და მჯერა, რომ ოჯახი ქალისა და მამაკაცის კავშირია. ჩემთვის წარმოუდგენელია, რომ კაცის და კაცის ერთად ყოფნა შეიძლება ოჯახი იყოს. ჩემთვის ასეთი ფაქტი მიუღებელია. მეცოდებიან ის ბავშვები, რომლებიც შეიძლება ასეთმა ადამიანებმა აიყვანონ შვილად. ასეთი ოჯახით ბავშვებს დაუმახინჯებენ ცხოვრებას. როგორ უნდა გაიგოს ბავშვმა, ვინ დედაა და ვინ მამა?" - განაცხადა კახიანმა.