უნდა ჩაიწეროს თუ არა კონსტიტუციაში, რომ ქორწინება არის ქალისა და მამაკაცის ერთობა? „რეპორტიორის"  შეკითხვას ბუტა რობაქიძის დედა ია მეტრეველი პასუხობს და აღნიშნავს, რომ ამ თემაზე საუბარი სამუდამოდ უნდა დასრულდეს.

„ორი აზრი არ არსებობს, რომ  ეს ინიციატივა კონსტიტუციაში უნდა ჩაიწეროს. მე მინდა ვუთხრა მას,  ვინც ჩვენს ქვეყანაში ამ ბინძური თემის შემოგდებით არის დაინტერესებული... ეს იქნება ისეთი გადამწყვეტი ამბავი, რომ ამის წინააღმდეგ მთელი საქართველო გამოვა. ერთნაირსქესიანთა ქორწინების დაკანონებას ქართველი ერი წინ აღუდგება" , - განაცხადა ია მეტრეველმა.

ცნობისთვის, პარლამენტში შეტანილია ინიციატივა, რომლის მიზანია განხორციელდეს საკონსტიტუციო შესწორება და ქორწინება განისაზღვროს, როგორც ქალისა და მამაკაცის ერთობა.