იურიდიულ საკითხთა კომიტეტის ყოფილი თავმჯდომარის ეკა ბესელიას განცხადებით, იმ ადამიანებმა, ვინც მას გუნდურობას ასწავლის, საჯაროდ უნდა თქვან, დაუჭერენ თუ არა იუსტიციის უმაღლესი საბჭოს მიერ წარდგენილ სიას მხარს.

„რა დავალებით ისაუბრებს კახა კუჭავა, მდინარაძე ან რომელიმე სხვა კოლეგა, ეს გასაგებია, რომ არის იმ ჯგუფის პოზიცია, რომელსაც არ გამოუხატავს თავისი პროტესტი და წინააღმდეგობრივი დამოკიდებულება ამ პროცესის და ამ სიის მიმართ. ამიტომ მოდით ყველამ სათითაოდ დააფიქსიროს თავისი პოზიცია ღიად და საჯაროდ, რას ფიქრობს ამ სიასთან დაკავშირებით - უნდა იყოს თუ არა ეს სია გაწვეული და დაუჭერენ თუ არა მას მხარს. მოდით, ყველა ის ადამიანი, ვინც გუნდურობას მასწავლის, რაღაც ვერსიებს ავითარებს და ჩემს ნაცვლად საუბრობს მიზეზებზე, უმჯობესია პირდაპირ მათ ჰკითხოთ დაუჭერენ თუ არა იმ ადამიანებს მხარს, რომლებიც ამ სიაში არიან“, - განაცხადა ეკა ბესელიამ.