საქართველოს განათლების, მეცნიერების, კულტურისა და სპორტის სამინისტრო  საზოგადებისათვის განათლების სისტემაში მიმდინარე რეფორმების გაცნობას იწყებს, რომელიც რეფორმის ყველა ეტაპსა და მიმართულებას შეეხება.

„დღეს სისტემა აწარმოებს დაუსაქმებელ ადამიანებს, რომლებსაც უჭირთ შრომით ბაზარზე ადგილის დამკვიდრება, ეს უნდა დამთავრდეს! უმაღლესი სასწავლებლების დაფინანსების ახალი მოდელი ამას უზრუნველყოფს, მოხდება სწორი მიდგომების წახალისება როგორც უმაღლესი, ასევე პროფესიული განათლების მიმართულებით და ეს გულისხმობს არა ზედაპირულ განცხადებებს, არამედ კონკრეტული შედეგების დადგომას უსწრაფეს რეჟიმში“ – განაცხადა მიხეილ ბატიაშვილმა.