თბილისის ნაძალადევის რაიონში, ცოტნე დადიანის ქუჩაზე ავტოსაგზაო შემთხვევის შედეგად 2 ადამიანი დაიღუპა, 3 კი დაშავდა. დაშავებულები მგზავრები საავადმყოფოში არიან გადაყვანილი. 

შინაგან საქმეთა სამინისტროს ინფორმაციით, ავტოკატასტროფაში 3 მანქანა ფიგურირებდა, რომელთაგან ერთ-ერთი გზის საპირისპიროდ მოძრაობდა, რა დროსაც მომავალ ავტომობილს დაეჯახა, ამ უკანასკნელმა კი საჭე ვერ დაიმორჩილა და მესამე ავტომობილი დააზიანა. 

მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც სატრანსპორტო საშუალების მართვისას, მოძ­რა­ო­ბის უსაფრ­თხო­ე­ბის ან ექ­სპლუ­ა­ტა­ცი­ის წე­სის დარ­ღვე­ვას გუ­ლის­ხმობს.