ჟურნალისტი ბონდო მძინარაშვილი ხელისუფლებას მოუწოდებს, დაუყოვნებლივ გაიტანოს რუსთაველის გამზირიდან რკინის კასრები, რაც დიდი პროვოკაციისთვის მზადებას ნიშნავს.

"მოვუწოდებ ხელისუფლებას: დაუყოვნებლივ გაიტანეთ რკინის კასრები და შეშა პარლამენტის მიმდებარე ტერიტორიიდან! დაუყოვნებლივ!
ეს არის მზადება დიდი პროვოკაციისთვის!
არ დაუშვათ რუსთაველის პროსპექტის გადაწვა და მსხვერპლი!
თქვენი ვალდებულებაა პრევენცია!
ჰოდა, იზრუნეთ უსაფრთხოებაზე!", - წერს ფეისბუქის საკუთარ გვერდზე ბონდო მძინარაშვილი.

ჟურნალისტი ასევე, მიმართავს ე.წ კასრების აქციის ორგანიზატორ ოპოზიციონერ ლიდერებს და პასუხისმგებლობას აკისრებს მათ სამოქალაქო დაპირისპირების შესაძლო მცდელობაზე.

"მივმართავ აქციის ორგანიზატორი და მხარდამჭერი პარტიების ლიდერებს: რას აკეთებთ?!
თქვენ გგონიათ ოდესმე მოიხსნით პასუხისმგებლობას იმაზე, რაც მოხდება?!
ვერასოდეს!
დაიმახსოვრეთ: ისევე შეგაჩვენებთ ხალხი, როგორც შეაჩვენა 1991 წლის სახელმწიფო გადატრიალების მომწყობები!", - წერს ჟურნალისტი.