დაავადებათა კონტროლის ცენტრის ხელმძღვანელი ამირან გამყრელიძე ამბობს, რომ კოვიდინფიცირების შემთხვევების ზრდის ტენდენცია გრძელდება, თუმცა ამ დროისთვის პროცესი მართვადია.

„ამ ეტაპზე მზარდია სტატისტიკა. პროგნოზირების სხვადასხვა მოდელის გამოყენებით, რომელსაც ჩვენ ვაკეთებთ, ძირითადად ვეყრდნობით სამ მოდელს, ვფიქრობთ, პიკი გვექნება სადღაც ნოემბრის მეორე-მესამე კვირას, ამიტომ ყოველდღიური ზრდის ტენდენცია გაგრძელდება“, - განაცხადა ამირან გამყრელიძემ საკოორდინაციო საბჭოს სხდომის დასრულების შემდეგ.