"თუ ეს მოცემულობაა, რატომაც არა, ერთპარტიულად ვიმუშავეთ ეს ამდენი ხანი. იქ იყვნენ ოპოზიციონერებიც, რომლებიც ჩვენი რიგებიდან იყვნენ წასულები უმეტესად. რეალურად ბოიკოტი არის სახელმწიფოს მიმართ და არა "ქართული ოცნების" წინააღმდეგ. ამ ბოიკოტის რეჟიმში მივიღეთ კონსტიტუცია საარჩევნო კოდექსი და უამრავი სხვა რამ”, - ამის შესახებ საქართველოს პარლამენტის თავმჯდომარის პირველმა მოადგილემ გიორგი ვოლსკიმ "ღამის კურიერის" ეთერში განაცხადა, რითაც უპასუხა ჟურნალისტის კითხვას - მიდის თუ არა პოლიტიკური კრიზისი ერთპარტიული პარტლამენტისკენ.

„მე ორაკული არ ვარ, რომ გითხრათ, როგორ იქნება. მე კონკრეტულად ვამბობ, რომ ეს არის მოცემულობა და ამ მოცემულობით ჩვენ დავრჩეთ ბიუჯეტის გარეშე, მთავრობა ვერ დამტკიცდეს და სტრუქტურამ ვერ იმუშაოს, ეს არის ღალატი ქვეყნის წინაშე. ამ ღალატის ჩამდენები ჩვენ არ ვართ, სწორედ აქედან გამომდინარეობს ჩემი კომენტარი,"-განაცხადა გიორგი ვოლსკიმ.

წყარო :