გაერთიანებულ სამეფოში საქართველოს საელჩო ბრიტანეთში მყოფი საქართველოს მოქალაქეების საყურადღებოდ  კორონავირუსთან დაკავშირებული რეგულაციების გამკაცრების შესახებ ინფორმაციას ავრცელებს.

„​კორონავირუსის შემთხვევების მატების გამო, 16 დეკემბრიდან ლონდონში, ასევე ესექსისა და ჰერდფორდშირის საგრაფოების ნაწილში „კოვიდგანგაშის“ მესამე, „ძალიან მაღალი“ დონე იქნება შემოღებული.

მესამე „ძალიან მაღალი“ დონე მოიცავს შემდეგს:

• დახურულ და ღია სივრცეში ოჯახების შერევის აკრძალვა, გამონაკლისია ე. წ. „მხარდამჭერი წრის“ წევრები. არაუმეტეს ექვსი პირის შეკრება მხოლოდ საჯარო ღია სივრცეში;
• სტუმართმოყვარეობის სექტორი იხურება;
• სახლიდან მუშაობა, სადაც ეს შესაძლებელია;
• ყველა სახის სავაჭრო ობიექტი და საგანმანათლებლო დაწესებულება, ასევე გამაჯანსაღებელი (გარდა ჯგუფური აქტივობებისა), გასართობი (გარდა დახურულისა) ღიაა;
• სპორტული, ცოცხალი შესრულების და ბიზნეს ღონისძიებების ჩატარება დაუშვებელია;
• პირმა არ უნდა დატოვოს ის ზონა, სადაც „ძალიან მაღალი“ დონის შეზღუდვები მოქმედებს“, – აღნიშნულია საქართველოს საელჩოს ინფორმაციაში.