ქობულეთში 45 წლამდე მამაკაცს სანადირო თოფიდან ესროლეს. დაჭრილი სასწრაფო სამედიცინო დახმარების ჯგუფმა საავადმყოფოში გადაიყვანა. მედიკოსების ინფორმაციით, მამაკაცი კლინიკაში შეყვანის დროს უკვე გარდაცვლილი იყო.

ერთ-ერთი ვერსიით,  მომხდარი, წარსულში არსებულ დაპირისპირებას უკავშირდება, მკვლელობის ერთ-ერთ მოტივად კი შურისძიება სახელდება.

ცხედარი  ექსპერტიზის ბიუროშია გადასვენებული.

საქმეზე მიმდინარეობს გამოძიება.